Çin hakimiyyəti kosmik məkanın hərbiləşdirilməsi tədbirlərinə qəti şəkildə qarşı çıxır və digər ölkələrlə birlikdə onun təhlükəsizliyini təmin etməyə hazır olduğunu bildirir.

“İki sahil” TASS-a istinadla xəbər verir ki, bu barədə Çin Xarici İşlər Nazirliyinin rəsmi nümayəndəsi Qo Cyaqun bəyan edib.

"Çin ardıcıl olaraq kosmosun dinc məqsədlərlə istifadəsinin və təhlükəsizliyinin təmin olunmasının tərəfdarıdır, orada vahid taleyi olan bəşəriyyət birliyinin formalaşmasına töhfə verir", - deyə o, BMT Baş Assambleyasında Yaxın Kosmik Məkanda Silahlanma Yarışının Qarşısının Alınması mövzusunu şərh edərkən keçirilən brifinqdə vurğulayıb.

Çin tərəfi kosmosun hərbiləşdirilməsinə və silahlanma yarışına qətiyyətlə qarşı çıxır, danışıqlar əsasında beynəlxalq hüquqi sənədlərin işlənib hazırlanmasına, davamlı sülhün və ümumi təhlükəsizliyin qorunmasına çağırır.

Diplomatın dəqiqləşdirdiyinə görə, ÇXR beynəlxalq ictimaiyyətlə birlikdə əməkdaşlığa söykənən dinc, təhlükəsiz və açıq kosmik məkan yaratmağa, kosmosun mənimsənilməsi bəhrələrinin bütün bəşəriyyətə fayda verməsinə şərait yaratmağa hazırdır.