Sudan hökuməti ölkənin energetika infrastrukturuna davam edən pilotsuz uçuş aparatları (PUA) hücumları ilə əlaqədar dövlət strukturları və təhlükəsizlik qüvvələrinin maksimum hazır vəziyyətə gətirildiyini elan edib.

“İki sahil” xəbər verir ki, bu barədə Baş nazir Kamil İdrisin sədrliyi ilə keçirilən Nazirlər Kabinetinin iclasının yekunlarına istinadən "Sudan Tribune" nəşri məlumat verib.

Mədəniyyət və informasiya nazirinin müavini Qrem Əbdülqadirin bildirdiyinə görə, hökumət həm federal səviyyədə, həm də ayrı-ayrı ştatlarda infrastruktur obyektlərinin, elektrik stansiyalarının və onların əməkdaşlarının mühafizəsinin gücləndirilməsi barədə sərəncam verib. Hakimiyyət orqanları həmçinin zərbələrin endirilməsi üçün PUA koordinatlarını "Çevik Çevik Reaksiya Qüvvələri" (ÇRQ) qiyamçı hərəkatına ötürməkdə əli olan şəxslər üçün maksimum sərt cəzanın tətbiq olunacağı barədə xəbərdarlıq edib.