Litva Müdafiə Nazirliyi pilotsuz uçuş aparatlarının (PUA) istehsalı üzrə dövlət holdinqinin yaradılması planını səmərəli hesab edir.
“İki sahil” xəbər verir ki, bu barədə BNS agentliyinə hərbi idarənin rəhbəri Robertas Kaunas bəyan edib.
"Litva müəssisələrindən hər hansı birinin FPV tipli dronlar istehsal etməsini, eləcə də bizim tutucu dronlar, uzaq və orta mənzilli, kəşfiyyat dronları hazırlamağımızı istəyiriksə, bütün bu istiqamətləri birləşdirən dövlət holdinqinə ehtiyacımız var", — deyə nazir bildirib.
O hesab edir ki, dövlət bu strukturda nəzarətçi rolunu oynayacaq: "Belə bir quruluş dövlətin maliyyə resurslarını məqsədyönlü şəkildə bölüşdürməyə imkan verərdi".
