Azərbaycanın qadın həndbolçulardan ibarət “Kür” komandası Avropa Kubokunun III mərhələsində növbəti oyununu keçirib.

“İki sahil” xəbər verir ki, Mingəçevir təmsilçisi Şimali Makedoniyanın “Çair” kollektivi ilə cavab qarşılaşmasında üz-üzə gəlib. “Kür” Olimpiya Tədris-İdman Mərkəzində keçirilən görüşdə meydan sahibləri rəqibə 21:32 hesabı ilə məğlub olublar. Komandalar arasında noyabrın 13-də keçirilən ilk qarşılaşma da Şimali Makedoniya təmsilçisinin 27:24 hesablı qələbəsi ilə başa çatmışdı.

Bununla da “Kür” Avropa Kubokunda mübarizəni dayandırıb.