03 oktyabr 2022 17:46
764

İZİA-nın Peşə Təhsil Mərkəzi məzinlarının işlə təmin edilməsinə dəstək göstərir

İqtisadi Zonaların İnkişafı Agentliyinin (İZİA) Peşə Təhsil Mərkəzində müasir dövrün tələblərinə uyğun peşəyönümlü kadr hazırlığı həyata keçirilir.

“İki sahil” xəbər verir ki,  hazırda Mərkəzdə 15 ixtisas üzrə 280-dən çox tələbə təhsil alır və dərslər peşəkar mütəxəssislər tərəfindən tədris edilir. Həmçinin İZİA-nın Peşə Təhsil Mərkəzi məzunlarının iş tapmalarında onlara yaxından dəstək göstərir. Belə ki, 2021-2022-ci tədris ili müddətini müvəfəqiyyətlə başa vurmuş 73 tələbədən 31-i müxtəlif sənaye müəssisələrində işlə təmin edilib. Ümumilikdə indiyədək Peşə Təhsil Mərkəzini 146 nəfər tələbə bitirib ki, bunlardan da 60 nəfərin işlə təmin edilməsinə köməklik göstərilib.

Qeyd edək ki, 2020-ci ilin sentyabrından fəaliyyətə başlayan Peşə Təhsil Mərkəzində ixtisas fənləri üzrə praktik dərslər sənaye müəssisələrində (“STP” MMC, “STDC” MMC, “Azertexnolayn” MMC, “Tabaterra” QSC, “Tempaz” MMC, “VELİEV” MMC, “A-KOND 1” QSC, “İmagro” MMC və s.) keçirilir.