Azərbaycanda qadın sahibkarlığının genişləndirilməsi və inkişafı məqsədi ilə yaradılan Azərbaycan Qadın Sahibkarlar İnkişafı Assosiasiyasının (AQSİA) 5 illik fəaliyyətində hər zaman əsas dəstəkçilərdən biri KOBİA olub.

“İki sahil” xəbər verir ki, dövlət və özəl sektorda qadın sahibkarlığının inkişaf etdirilməsində, BMT-nin Dayanıqlı İnkişaf Məqsədlərinin 5-ci - “Gender bərabərliyi” və 7-ci - “Məqsədlər üçün tərəfdaşlıq” bəndlərinə əsasən hər zaman qadınlara və onların iqtisadi gücləndirilməsində, evdəməşğulluq proqramları çərçivəsində, həmçinin qadın sahibkarların şəbəkələşməsində göstərdiyi xidmətlərə görə KOBİA İdarə Heyətinin sədri Orxan Məmmədov “AQSİA-nın 5 illik uğurlu tərəfdaşı” mükafatı ilə təltif olunub.

Mükafatı AQSİA İdarə Heyətinin sədri Səkinə Babayeva və İdarə Heyətinin üzvləri təqdim ediblər.