Sentyabrın 23-də Bakı Atıcılıq Mərkəzində dövlət qurumlarının əməkdaşları arasında ilk dəfə stend atıcılığının "sporting" növü üzrə yarış təşkil edilib.

“İki sahil” xəbər verir ki, ümumilikdə 44 qurumdan 166 əməkdaşın iştirak etdiyi yarışlar sentyabrın 24-dək davam edəcək. Yarışın birinci gününün nəticələrinə görə ilk 5 yeri tutan şəxslər sabah final mərhələsində qalibiyyət uğrunda mübarizə aparacaqlar. Atışlarda toplanan ümumi xallara əsasən ilk dörd yeri tutan kişi və qadınlardan ibarət fərqli komandalar final yarışında iştirak edəcəklər. Bundan əlavə, hər qurumun qadın və kişilərdən ibarət qarışıq komandalarından ilk dördlükdə olanlar finalda yarışacaq.

İlk üç yeri tutan şəxslər, komanda və qarışıq komandalar diplom və medallarla təltif olunacaq, qaliblərə hədiyyələr təqdim ediləcək.

Qeyd edək ki, yarışda iştirak edən 166 nəfərdən 120-si kişi, 46-sı isə qadındır.