“Azərbaycan Dəmir Yolları” QSC (ADY) 2024-cü ilin yanvar-fevral aylarında tranzit, ixrac və idxal rejimləri üzrə 2,43 milyon ton yük daşıyıb.

“İki sahil” xəbər verir ki, bu barədə ADY məlumat yayıb.

Qeyd edilib ki, daşınan yüklər arasında mazut və azot gübrələrinin həcmində ötən ilin eyni dövrü ilə müqayisədə müvafiq olaraq 22 % və 42 % artım qeydə alınıb.

Ümumi yükün 7,4 %-ni təşkil edən qələvi metallar və metalloidlərin (kükürd, fosfor-natrium) həcmi isə 2023-cü ilin ilk iki ayına nisbətən 2 dəfə çox olub.