Bu ilin yanvar-iyun ayları ərzində Dövlət Sosial Müdafiə Fondunun fəaliyyət istiqamətləri üzrə 52 min 822 elektron arayış alınıb.

Bu barədə "İki sahil"ə Fondun mətbuat xidmətindən məlumat verilib.

Qeyd edilib ki, həmin arayışların 16 min 140-ı pensiya, 23 min 254-ü müavinət və təqaüd, 7 min 28-i fərdi şəxsi hesab, 1745-i ünvanlı dövlət sosial yardımı, 928-i torpaq pay mülkiyyətçisi, 1028-i sosial sığorta şəhadətnamə nömrəsi, 1096-sı şəhid ailəsi üzvü, 416-sı ünvanlı dövlət sosial yardımı ödənişləri, 632-si sağlamlıq imkanları məhdud olan uşaqlar, 509-u əlilliyi olan şəxslərə qulluq, 46-sı Milli qəhrəmanların ailə üzvü ilə bağlı olub.