“Qazprom” Çinə boru kəməri ilə gündəlik qaz tədarükü üzrə yeni rekorda imza atdığını açıqlayıb.

“Sibirin Gücü” qaz xətti ilə gündəlik qaz axını Rusiyanın maksimum müqavilə öhdəliklərini keçib. “Qazprom” rəqəm təqdim etmədən bildirib.

Dekabrın 1-də “Qazprom” gündəlik tədarük həcmini ildə 38 milyard kubmetrə çatdırıb ki, bu, “Sibirin Gücü”nün ümumi layihə gücünə bərabərdir.

Çin bu il Rusiyanın boru kəməri vasitəsilə satışa çıxardığı qaz üçün ən böyük bazara çevrilmək  üzrədir. Xatırladaq ki, Avropalı müştərilərinin əksəriyyəti Ukrayna ilə münaqişə səbəbindən Rusiya tədarükündən yayındıqdan sonra “Qazprom” alıcı kimi Çindən daha çox asılıdır.

Nubar Süleymanova, “İki sahil”