Azərbaycan dili dünya dilləri arasında zəngin söz ehtiyatı və incə ifadə imkanları ilə seçilir. Bu dil əsrlər boyu formalaşaraq poeziya, musiqi və xalq ədəbiyyatında öz gözəlliyini nümayiş etdirmişdir. Azərbaycan dili həm klassik, həm də müasir ədəbi nümunələrdə dərin mənalar ifadə etməyə qadirdir. Şifahi xalq ədəbiyyatında qorunub saxlanılan atalar sözləri və bayatılar dilin zəngin ruhunu əks etdirir. Azərbaycan dili həm səmimi, həm də rəsmi ünsiyyətə uyğun gələn nadir dillərdəndir. Bu dilin fonetik ahəngi və melodik quruluşu onu poetik və musiqili edir. Azərbaycan dili milli kimliyimizin əsas dayaqlarından biridir. Onun qorunması və inkişafı hər bir vətəndaşın borcudur. Zəngin və ahəngdar dilimizlə fəxr etməliyik. Çünki o bizim mədəniyyətimizin, tariximizin canlı daşıyıcısıdır.

Ulu Öndər Heydər Əliyev Azərbaycan xalqının milli-mənəvi dəyərlərinin qorunmasında misilsiz xidmətlər göstərmişdir. Onun təşəbbüsü ilə 1978-ci il aprelin 27-də qəbul edilən Konstitusiyada Azərbaycan dili dövlət dili kimi təsbit olundu. Bu addım sovet rejimi dövründə milli kimliyin qorunması baxımından böyük əhəmiyyət daşıyırdı. Həmin dövrdə rus dilinin üstün mövqedə olduğu bir şəraitdə bu təşəbbüs böyük cəsarət tələb edirdi. Ulu Öndər Heydər Əliyev xalqımızın dilinə, mədəniyyətinə və tarixinə böyük hörmətlə yanaşırdı. Onun bu siyasəti milli şüurun inkişafına mühüm təsir göstərdi. Azərbaycan dilinin Konstitusiyada öz əksini tapması gənc nəsillərin ana dilində təhsil almasına şərait yaratdı. Bu hadisə milli dəyərlərin qorunması istiqamətində mühüm mərhələ oldu. Ümummilli Liderimizin uzaqgörən siyasəti nəticəsində Azərbaycan dili öz layiqli yerini tutdu. O, ana dilimizi sadəcə ünsiyyət vasitəsi kimi deyil, milli varlığın əsası kimi qiymətləndirirdi. Bu tarixi qərar milli ruhun oyanışına təkan verdi. Azərbaycan xalqı öz dilinə sahib çıxmağın məsuliyyətini daha dərindən dərk etdi. Bu gün Azərbaycan dili dövlətimizin rəsmi dili kimi qürurla istifadə olunur. Bütün bu uğurların təməlində Ulu Öndər Heydər Əliyevin uzaqgörən siyasəti dayanır. Onun dilə və millətə verdiyi dəyər daim minnətdarlıqla xatırlanır. Bu təşəbbüs həm də gələcək nəsillərin öz doğma dilində düşünməsi, yazması və yaratması üçün güclü zəmin formalaşdırdı. Heydər Əliyevin bu qərarı dilin hüquqi və ictimai statusunu yüksəltdi. O, ana dilini milli dövlətçiliyin əsas dayaqlarından biri kimi görürdü. Bu yanaşma sayəsində Azərbaycan dili ictimai-siyasi həyatın bütün sahələrində geniş şəkildə istifadə olunmağa başlandı. Nəhayət, bu addım müstəqillik dövründə Azərbaycan dilinin beynəlxalq səviyyədə tanınmasına da zəmin yaratdı.

Ulu Öndər Heydər Əliyev Azərbaycan dili haqqında qeyd edirdi:

 “Millətin milliliyini ən birinci təsdiq edən onun dilidir. Şübhəsiz ki, musiqi də, ədəbiyyat da, ayrı-ayrı tarixi abidələr də millətin milliliyini təsdiq edir. Amma millətin milliliyini ən birinci təsdiq edən onun dilidir. Əgər Azərbaycan dili olmasa, Azərbaycan dilində ədəbiyyat da olmaz. Azərbaycan dili olmasa, Azərbaycan dilində  mahnılar olmaz, musiqi olmaz.”

2002-ci il 30 sentyabr tarixində “Azərbaycan Respublikasında dövlət dili haqqında” Azərbaycan Respublikasının Qanunu, Azərbaycan dilinin hüquqi statusunu daha da möhkəmləndirmişdir. Bu qanunla Azərbaycan dili rəsmi şəkildə dövlət dili kimi tanınmış və onun qorunması, inkişafı üçün mühüm hüquqi əsas yaradılmışdır. Qanun dilin işləkliyinin təmin olunması və gələcək nəsillərə ötürülməsi baxımından xüsusi əhəmiyyət daşıyır.

Nigar Qocayeva,

YAP Sumqayıt şəhər təşkilatının məsləhətçisi