Vyetnam Sosialist Respublikası Kommunist Partiyasının Mərkəzi Komitəsinin Baş katibi Tô Lâmın 7-8 may 2025-ci il tarixlərində Azərbaycana rəsmi səfəri zamanı bir neçə mühüm sənəd imzalanmışdır.

Səfər çərçivəsində Azərbaycan və Vyetnam arasında dövlət başçıları səviyyəsində yüksək səviyyəli görüşlər keçirilmişdir. Bu görüşlərdə iki ölkə arasında əməkdaşlığın daha da inkişaf etdirilməsi və müxtəlif sahələrdə əlaqələrin gücləndirilməsi məsələləri müzakirə edilmişdir.

2023-cü ildə Hanoi şəhərində böyük azərbaycanlı bəstəkarı Qara Qarayevin 1954-cü ildə yazdığı "Vyetnam Suiti"nin premyerası təşkil edilmişdir. Həmçinin, Azərbaycan və Vyetnam musiqiçilərinin birgə konsert proqramları, mədəniyyət günləri və gənclər arasında qarşılıqlı səfərlər həyata keçirilmişdir. Bu növ fəaliyyətlər, iki ölkə arasında mövcud olan dostluq və əməkdaşlıq əlaqələrinin daha da möhkəmlənməsinə xidmət edir. Tô Lâmın 2025-ci il may ayında Azərbaycana etdiyi səfər də bu əlaqələrin inkişaf etdirilməsi istiqamətində mühüm bir addım olmuşdur.

Müdafiə sənayesi  sahəsində çox böyük perspektivlər var

Azərbaycanla Vyetnam arasında müdafiə sənayesi sahəsində əməkdaşlıq perspektivləri son illərdə artan maraq və siyasi-diplomatik yaxınlaşma fonunda daha da aktuallaşır. Hər iki ölkə strateji və iqtisadi baxımdan bir-birini tamamlayan potensiala malikdir. Bu sahədə əməkdaşlığın inkişafı bir neçə əsas istiqamətdə mümkündür:

İki ölkə arasında müdafiə məhsullarının idxal-ixracı, birgə istehsal və modernizasiya layihələri həyata keçirilə bilər.Xüsusilə Azərbaycan istehsalı olan PUA-lar (pilotsuz uçuş aparatları), döyüş sursatları və rabitə texnologiyaları Vyetnam üçün maraqlı ola bilər.

Əvəzində Vyetnamın sahil mühafizə və sualtı texnologiyalarda təcrübəsi Azərbaycana maraqlı ola bilər.Azərbaycanın geostrateji mövqeyi və neft-qaz gəlirləri müdafiə sənayesini inkişaf etdirmək üçün dayanıqlı maliyyə bazası yaradır.Vyetnam isə Cənub-Şərqi Asiyada artan geosiyasi gərginliklər fonunda müdafiə qabiliyyətini artırmağa çalışır. Bu da iki ölkənin maraqlarını üst-üstə salır. Azərbaycanla Vyetnam arasında müdafiə sənayesi sahəsində əməkdaşlıq üçün geniş imkanlar var. Bu əməkdaşlıq təkcə texniki və hərbi sahələrdə deyil, həm də diplomatik əlaqələrin möhkəmləndirilməsi və regional təhlükəsizlik baxımından strateji əhəmiyyət daşıyır. 

N.Mahmudova,
Xətai rayon 24 saylı tam orta məktəbin Azərbaycan dili müəllimi