Almaniya polisi Maqdeburqdakı Saksoniya-Anhalt ştatı parlamentinin binasında Xristian Demokrat İttifaqı, Sosial Demokrat Partiyası və Almaniya üçün Alternativ partiyalarının ofislərində axtarışlar aparır.

“İki sahil” “Die Welt” nəşrinə istinadla xəbər verir ki, bu partiyaların parlament qruplarının bəzi üzvləri rəsmi cinayət törətməkdə - qanunsuz bonuslar verməkdə şübhəli bilinirlər.

Maqdeburq prokurorluğunun nümayəndəsinin açıqlamasına görə, axtarışlar Vergi Ödəyiciləri Federasiyasının müraciəti və Maqdeburq Rayon Məhkəməsinin verdiyi order əsasında başlanmış istintaq çərçivəsində aparılır.

Hələlik tərəflərin nümayəndələrinin özləri də hadisələrə münasibət bildirməyiblər.