Honduras ABŞ-ın yeni idxal rüsumlarına məruz qalan ölkələr arasında deyil.
“İki sahil” xəbər verir ki, bunu Vaşinqtonda keçirilən danışıqların yekunları üzrə respublikanın xarici işlər naziri Xavyer Bu Soto bildirib.
Nazirin sözlərinə görə, tərəflər ABŞ Prezidenti Donald Trampın administrasiyası ilə ikitərəfli əməkdaşlıq çərçivəsində ticarətin sadələşdirilməsi, iqtisadiyyatın əsas sektorlarında tariflərin azaldılması, həmçinin təhlükəsizlik, miqrasiya və iqtisadi inkişaf məsələlərinin müzakirəsi üzrə işi davam etdirmək barədə razılığa gəliblər.
“Vaşinqtona rəsmi səfərimiz çərçivəsində biz ABŞ hökumətinin ticarət nazirinin müavini Uilyam Kimmit tərəfindən Hondurası yeni əlavə 10 faizlik rüsumlardan kənarlaşdırmaq barədə açıqlamasını alqışladıq. Görüş zamanı biz rüsumlar, ikitərəfli ticarət və okeanlararası dəmir yolu layihəsini ətraflı müzakirə etdik”.
