Bakıda 8 Noyabr Zəfər Günü münasibətilə keçiriləcək hərbi parada hazırlıqlar davam edir.

“İki sahil” xəbər verir ki, bu barədə görüntülər sosial şəbəkələrdə yayılıb.

Görüntülərdən məlum olur ki, hazırlıq tədbirləri çərçivəsində Azadlıq meydanı və ətraf ərazilərdə Azərbaycan Hərbi Hava Qüvvələrinin təlim uçuşları həyata keçirilib. Bakı səmasında bir neçə “Su-25” qırıcı təyyarəsi də görülüb.

Xatırladaq ki, Prezident İlham Əliyevin 2020-ci il 3 dekabr Sərəncamına əsasən, 8 noyabr tarixi Azərbaycanda Zəfər Günü kimi qeyd edilir.