ABŞ Maliyyə Nazirliyi, Rusiya ilə güman edilən əlaqələrinə görə məhdudiyyətlərə məruz qalan dörd Hindistan şirkətini sanksiya siyahısından çıxarıb.
“İki sahil” xəbər verir ki, "Hindustan Times" qəzetinin məlumatına görə, "qara siyahı"dan "RRG Engineering Technologies Private Limited", "Lokesh Machines Limited", "Galaxy Bearings Ltd" və "Shaurya Aeronautics Private Limited" şirkətlərinin adları silinib.
Bu qərar, sözügedən şirkətlərin ABŞ Maliyyə Nazirliyinin Xarici Aktivlərə Nəzarət İdarəsinin (OFAC) sanksiya siyahısına salınmasından təxminən iki il sonra qəbul edilib. Xatırladaq ki, 2026-cı ildən iki il əvvəl - 2024-cü ildə OFAC, Rusiya hakimiyyətinə sanksiyalardan yayınmaqda mümkün köməklik göstərdiklərinə görə Hindistanın 19 hüquqi və 2 fiziki şəxsinə qarşı məhdudiyyətlər tətbiq etmişdi. Daha sonra Hindistan hökuməti bu məsələ ilə bağlı ABŞ ilə danışıqlar apardığını bəyan etmişdi.
"Hindustan Times" xüsusilə vurğulayır ki, sanksiya siyahısından çıxarılan "Lokesh Machines" şirkətinin müştəriləri arasında dünya nəhəngləri yer alır. Onların sırasına ABŞ-nin "John Deere" və "Cummins", İsveçin "Volvo", həmçinin Yaponiyanın "Honda" və "Suzuki" kimi məşhur brendləri daxildir.
