Rusiya hökuməti tərəfindən rəsmi müraciət daxil olacağı təqdirdə, Qazaxıstan yanacaq-sürtkü materiallarının Rusiyaya qarşılıqlı faydalı kommersiya şərtləri əsasında satılması imkanını nəzərdən keçirməyə hazırdır.

“İki sahil” xəbər verir ki, bu barədə Qazaxıstan Respublikasının Energetika Nazirliyi bildirib.

Nazirlikdən qeyd olunub ki, neft məhsullarının tədarükü sahəsində beynəlxalq sazişlərin və kommersiya müqavilələrinin bağlanması yalnız sərbəst resurs potensialı mövcud olduğu təqdirdə mümkündür.

Bununla yanaşı, Energetika Nazirliyi vurğulayıb ki, Astana üçün mütləq prioritet ölkənin daxili bazarının tam və fasiləsiz təminatıdır.

Qonşu dövlətlərə ixrac tədarükü yalnız Qazaxıstanın öz vətəndaşlarının və iqtisadiyyatının tələbatının ödənilməsi üçün heç bir risk yaranmadığı təqdirdə həyata keçirilə bilər.