ABŞ Silahlı Qüvvələri Asiya-Sakit okean regionunda çəkindirmə potensialını gücləndirmək üçün Almaniyadan Koreya Respublikasına qabaqcıl çoxsahəli əməliyyat qrupundan (MDTF) bir neçə yüz hərbçisini köçürməyi planlaşdırır.

“İki sahil” xəbər verir ki, bu barədə mənbələrə istinadən "Chosun Ilbo" qəzeti məlumat verib.

Nəşrin məlumatına görə, hərbçilərin yenidən dislokasiyası bu il ərzində baş tutacaq. Söhbət kiberfəzada, kosmosda və quruda əməliyyatları əlaqələndirmək imkanlarına malik MDTF-nin 2-ci batalyonundan gedir. Köçürmə haqqında qərar ABŞ-nin KXDR və ÇXR ilə qarşıdurmada öz mövqelərini möhkəmləndirmək cəhdi ilə əlaqələndirilir.

Amerikanın "Stars and Stripes" qəzeti Pentaqona istinadla xəbər verib ki, ABŞ və Koreya Respublikası hərbi əməkdaşlığın gücləndirilməsi məsələsində sıx təmasdadırlar. Bununla belə, Pentaqon "Chosun Ilbo" qəzetinin ABŞ qoşunlarının köçürülməsi planları ilə bağlı iddialarını təsdiq və ya təkzib etməkdən imtina edib.