Avropa Komissiyası (AK) Aİ-nin aparıcı ölkələrinin müqavimətinə və birliyin bazis sənədlərində belə bir statusun olmamasına baxmayaraq, Kanadanın Avropa İttifaqında assosiasiyalı üzvlüyü ideyasını irəli sürməyə davam edəcək.
“İki sahil” xəbər verir ki, bu barədə Brüsseldə keçirilən brifinqdə Avropa Komissiyasının mətbuat xidmətinin rəhbəri Paula Pinyu bəyan edib.
"Biz Kanadaya tam üzvlük vermədən onu Aİ ilə maksimal dərəcədə sıx əməkdaşlığa gətirmək niyyətindəyik, çünki Kanada Avropa ölkəsi deyil", — deyə o bildirib.
Pinyu vurğulayıb ki, Avropa Komissiyası AK rəhbəri Ursula fon der Lyayenin ideyası olan və ilk dəfə sentyabrda Avropa Parlamentindəki çıxışında səsləndirdiyi "Aİ-də assosiasiyalı üzvlük konseptinə dəstək" əldə etmək üçün Avropa Parlamenti və Aİ ölkələri ilə işi davam etdirəcək.
