Mərakeş tərəfindən sərhədin kütləvi şəkildə yarılması zamanı Seutaya 17 minə yaxın həddi-bulağa çatmayan miqrant daxil olub.

“İki sahil” xəbər verir ki, bu barədə polis qiymətləndirmələrinə istinadən "ABC" qəzeti məlumat verib.

Qeyd olunur ki, bu rəqəm Pireney krallığı hökumətinin son həftələrdə təqdim etdiyi göstəricidən — 1 478 həddi-bulağa çatmayan şəxsdən kəskin fərqlənir. Bununla yanaşı, Milli Polis muxtar şəhərə ümumilikdə 75 min ilə 85 min arasında insanın qanunsuz daxil olduğunu hesab edir.

İyulun sonunda on minlərlə qanunsuz miqrant şəhəri Mərakeşdən ayıran dalğaqıranı keçərək üzərək və ya dayazlıqla Seutaya çata bilib. Böhran fonunda Madrid yaşayış məntəqəsində təhlükəsizliyin təmin edilməsinə kömək üçün hərbçiləri cəlb etmək qərarına gəlib. Hakimiyyətin qiymətləndirmələrinə görə, şəhərə 80 minə qədər insan daxil ola bilərdi, lakin qanunsuz miqrantların mütləq əksəriyyətinin artıq Mərakeşə qayıtdığı ehtimal olunur. İspaniyanın Baş naziri Pedro Sançesin iddia etdiyinə görə, şəhərdə 5 minə qədər miqrant qala bilər, lakin yerli hakimiyyət orqanları qanunsuz miqrantların sayının daha çox olduğunu düşünür.