İranın "M/T Kylo" neft tankeri ABŞ-ın ötən gün endirdiyi raket zərbəsindən sonra Oman körfəzində batıb.

“İki sahil” xəbər verir ki, bu barədə ABŞ Silahlı Qüvvələrinin Yaxın Şərq üzrə Mərkəzi Komandanlığı (CENTCOM) məlumat yayıb.

"ABŞ hərbçilərinin dəqiqliyi və peşəkarlığı sayəsində bu gün Oman körfəzində Kylo tankeri batıb və İran Hərbi Dəniz Qüvvələrinin sıralarını dənizin dibində tamamlayıb", - deyə məlumatda qeyd olunub.

Yayımlanan videodan göründüyü kimi, hücum zamanı gəminin gövdəsinə azı dörd raket dəyib və bundan sonra tankerdə yanğın başlayıb. Daha sonra gəmi böyrü üstə çevrilərək batıb.