ABŞ-ın Avropa İttifaqındakı daimi nümayəndəsi Endryu Pazder "Politico" nəşrinin tədbirindəki çıxışını ləğv edib, çünki o, ABŞ prezidenti Donald Trampın BMT Baş Assambleyasındakı çıxışı ilə demək olar ki, eyni vaxta düşməli idi.

“İki sahil” xəbər verir ki, bu barədə ABŞ Dövlət Departamenti məlumat yayıb.

Onun məlumatına görə, Trampın çıxışı saat 16:00-da başlayacaq səhər sessiyasına planlaşdırılıb. Pazder isə Bakı vaxtı ilə 16:30-da çıxış etməli idi.

"Politico" qəzeti vurğulayıb ki, çıxışın ləğvi Ağ Evin bu nəşrlə, eləcə də CNN və MS NOW telekanalları ilə münaqişəsi fonunda baş verib. Sentyabrın 18-də Donald Tramp CNN, MS NOW və "Politico" jurnalistlərini onun administrasiyası haqqında saxta məlumatlar yaydıqlarına görə Ağ Evə buraxılış hüququndan məhrum etdiyini bildirib.