Fransada dövlət qulluqçularının keçirdiyi ümummilli tətil səbəbindən aviareyslərin bir hissəsi ləğv edilib.

“İki sahil” bu barədə "Report" "Reuters"ə istinadən xəbər verir. Fransa Mülki Aviasiya İdarəsi (DGAC) yerli vaxtla saat 07:00-dan 20:00-dək Parisin Şarl de Qoll hava limanında reyslərin 5 %-nin, saat 16:00-dan 00:00-dək isə Marsel hava limanında reyslərin 25 %-nin ləğv edilməsi barədə göstəriş verib. Qeyd olunur ki, Nant, Strasburq, Limoj, Lurd və Po regional hava limanlarında da aviareyslərin həyata keçirilməsində fasilələrin yaranması mümkündür.

Bununla yanaşı, Fransanın digər hava limanlarında reyslər ştat rejimində həyata keçiriləcək.

Şarl de Qoll hava limanı "Air France-KLM" aviaşirkətinin əsas hablarından biridir.