22 mart 2022- ci il tarixdə YAP Tərtər rayon təşkilatının sədri Eldar Əsədov, aparatın məsul işçiləri və bir qrup partiya fəalları, 44 günlük Vətən müharibəsində şəhidlik zirvəsinə ucalmış Məmmədli Tural Aqil oğlunun doğum günü ilə əlaqədar dəfn edildiyi Tərtər rayonunun  Bəyimsarov kənd qəbiristanlığındakı  məzarını ziyarət edərək,  qəbri  üzərinə gül- çiçək dəstələri qoyub, xatirəsini ehtiramla yad ediblər.

YAP Tərtər rayon təşkilatından “İki sahil”ə verilən məlumata görə, Şəhidin ailə üzvləri ilə görüşüb, valideyinlərinə bir daha başsağlığı veriblər. Şəhidin valideyni və yaxınları şəhid ailələrinə göstərilən diqqət və qayğıya görə möhtərəm Prezident cənab İlham  Əliyevə və birinci xanım Mehriban Əliyevaya minnətdarlıqlarını bildiriblər.

 Allah bütün  şəhidlərimizə rəhmət eləsin!