Gənclər və idman naziri Fərid Qayıbov noyabrın 23-də Samux, Kəlbəcər rayonlarının və Gəncə şəhərinin sakinləri ilə görüşüb.

“İki sahil” xəbər verir ki, bu barədə Gənclər və İdman Nazirliyi məlumat yayıb.

Qeyd olunub ki, Samux şəhərində ümummilli lider Heydər Əliyevin abidəsi ziyarət olunub, önünə gül dəstələri qoyulub, xatirəsi ehtiramla yad edilib.

Samux şəhərində Yeni Azərbaycan Partiyasının(YAP) inzibati binasında keçirilən qəbulda vətəndaşları diqqətlə dinləyən nazir Fərid Qayıbov onların müraciətlərinin həlli üçün müvafiq tapşırıqlar verib.