Ekoloji problemlər hələ də qalmaqdadır. Problemlərin həlli üçün böyük işlər görülməlidir, böyük maliyyə lazımdır.

“İki sahil” xəbər verir ki, bunu ekologiya və təbii sərvətlər nazirinin müavini Umayra Tağıyeva Xankəndidə keçirilən elmi-praktik konfransda deyib.

O bildirib ki, işlər mərhələli şəkildə həyata keçirilir: “Problemlərin həlli üçün yeni texnoloji işlər aparılır. Ətraf mühitdə olan risklər də müşahidə olunur. Qanunvericiliyin təkmilləşməsi və maarifləndirmə işlərinin aparılması sayəsində bəzi müsbət hallar aşkar edilir. Məlumat üçün bildirim ki, Bakıda orta hesabla bir adama 5 kvadratmetr yaşıllıq düşür. Norma burda 20-25dir. Görüləsi işlər çoxdur. Yaşıllıqların artırılması tədbirlərinə bütün dövlət orqanları qoşulur. Bu, çox müsbət haldır".