Bu ilin yanvarın 1-nə Azərbaycan Dövlət Neft Fondunun (ARDNF) kredit reytinqi “AAA” olan pul bazarı fondlarına yatırdığı investisiyaların ümumi məbləği 1 milyard 981,404 milyon manat təşkil edib.

Bu barədə “İki sahil” Fondun maliyyə hesabatına istinadən xəbər verir.

Sənədə əsasən, bu, ötən il yanvarın 1-i ilə müqayisədə 65,8 % çoxdur.

Ötən il ARDNF qeyd olunan fondlardan daha birinə - “Goldman Sachs”a 913,364 milyon manat investisiya yatırıb. Digər fonda - "BlackRock ICS Sterling Liquidity"yə investisiyalar isə 10,7 % azalaraq 1 milyard 68,04 milyon manat olub.