Ölkəmizin əmək bazarında aparılan islahatlar nüfuzlu tədqiqat mərkəzlərinin diqqətini cəlb edir. Vergi sistemində 2019-cu ildən başlanmış və əmək bazarının təşviqinə yönəlmiş tədbirlərin nəticələri Harvard Universitetinin ekspertləri tərəfindən yüksək dəyərləndirilib.

“İki sahil” xəbər verir ki, bu barədə iqtisadiyyat naziri Mikayıl Cabbarov deyib.

Nazir bildirib ki, Harvard mütəxəssislərinin əməkhaqqı islahatlarının Azərbaycan təcrübəsinin digər iqtisadiyyatlar üçün araşdırılması vacib olan səmərəli model kimi qiymətləndirməsi zamanında və düzgün qərarların alındığını göstərir.