ABŞ Prezidenti Donald Tramp bildirib ki, Birləşmiş Ərəb Əmirlikləri və Birləşmiş Ştatlar Fars körfəzi ölkəsi üçün Amerika şirkətlərindən bəzi ən qabaqcıl süni intellekt yarımkeçiricilərini almaq imkanını yaratmaq barədə razılığa gəliblər.

“İki sahil” “Reuters” agentliyinə istinadən xəbər verir ki, Trampın Əbu-Dabiyə səfəri zamanı əldə edilmiş razılaşma BƏƏ üçün böyük qələbədir, çünki onlar çoxdankı müttəfiqi ABŞ və ən böyük ticarət tərəfdaşı Çinlə münasibətlərində balans yaratmağa çalışırlar.

Bildirlib ki, bu, Tramp administrasiyasının məlumat mərkəzlərinin Amerika şirkətləri tərəfindən idarə olunmasını tələb etməklə, çiplərin təhlükəsiz şəkildə idarə oluna biləcəyinə inamını əks etdirir.

“Biz BƏƏ-nin ABŞ-da xərcləyəcəyini açıqladığı 1,4 trilyon dolların xərclənməsində böyük irəliləyiş əldə edirik”, - deyə Tramp Fars körfəzi dövlətlərinə çoxgünlük səfəri zamanı çıxış edərək bildirib.

Mart ayında BƏƏ ABŞ-da enerji, süni intellekt və istehsalat da daxil olmaqla sektorlara 10 illik 1,4 trilyon dollarlıq investisiya proqramı həyata keçirməyi öhdəsinə götürüb.