Pekin və Cakarta çoxtərəfli platformalarda, o cümlədən BRICS və BMT çərçivəsində koordinasiyanı gücləndirmək barədə razılığa gəliblər.
“İki sahil” xəbər verir ki, bu barədə Çin Xarici İşlər Naziri Van İ İndoneziyanın Xarici İşlər Naziri Suqiono ilə aparılan danışıqların yekunlarına dair bəyanatında bildirib.
"Biz BMT və BRICS kimi çoxtərəfli platformalarda siyasətin koordinasiyasını gücləndirməyə, birtərəfli təzyiqlərə və güc siyasətinə birgə qarşı durmağa hazırıq", — deyə Van İ qeyd edib.
Çin XİN rəhbərinin sözlərinə görə, tərəflər həmçinin Çin tərəfindən təklif edilən dörd qlobal təşəbbüs çərçivəsində əməkdaşlığı genişləndirmək barədə razılıq əldə ediblər.
