Portuqaliya Futbol Federasiyasının (FPF) rəhbəri Pedru Proensa hücumçu Kriştianu Ronaldunun milli komandadakı vəziyyəti ilə bağlı açıqlama verib.

“İki sahil” xəbər verir ki, bu barədə "Record" məlumat yayıb.

“Hamımız danışıqlar masası arxasındayıq. Kapitanımızı geri qaytarmaq istəyimiz çox böyükdür. Adi intizam proseduru həyata keçiriləcək. Müstəqil qurumlar qiymətləndirmə aparacaqlar. Hazırda, ilk növbədə, Portuqaliya Futbol Federasiyasının kapitanı mümkün qədər tez geri qaytarmaq istəyini görürük. Milli komandamızın baş məşqçisi də bu istəyini ifadə edib. O bildirib ki, kapitanımız oynamağa hazır olduğu müddətdə bizimlə olacaq. Buna görə də, belə bir açıqlamadan sonra sakitliyə və təmkinə çağırmağın vaxtıdır. Biz öz işimizi görürük, çünki bu, hamımızın ortaq istəyidir”, - deyə Proensa bildirib.

Xatırladaq ki, baş məşqçi Jorje Jezusun komandada heç bir münaqişənin olmadığını bildirməsinə baxmayaraq, Danimarka ilə Millətlər Liqasının üçüncü turu çərçivəsində keçirilən oyundan (4:2) əvvəl Ronaldu milli komandanın düşərgəsini tərk etmişdi.

Qeyd edək ki, dünən Səudiyyə Ərəbistanı Pro-Liqasının 8-ci turu çərçivəsində keçirilən Əl Nəsr-Əl Diriyə (3:0) matçının 23-cü dəqiqəsində oyunda hesabı açan məhz Ronaldu olub. Futbolçu karyerasındakı 980-ci qolunu vurub.