Azərbaycan Mərkəzi Bankı (AMB) Dünya Bankı ilə yeni Ölkə Tərəfdaşlıq Çərçivəsinin hazırlıq prosesi ilə bağlı məsələləri müzakirə edib.

"İki sahil" bu barədə AMB-yə istinadən xəbər verir.

Müzakirələr AMB-nin sədri Taleh Kazımovun Dünya Bankının Cənubi Qafqaz üzrə regional direktoru Roland Praysın rəhbərlik etdiyi nümayəndə heyəti ilə keçirdiyi görüşdə aparılıb.

Görüş zamanı Dünya Bankı ilə əməkdaşlıq çərçivəsində ölkədə icra olunan və perspektivdə duran layihələr və təşəbbüslər ətrafında fikir mübadiləsi aparılıb. Həmçinin Dünya Bankının Azərbaycanda həyata keçirilən islahatlara öz müsbət töhfəsini verəcək yeni Ölkə Tərəfdaşlıq Çərçivəsinin hazırlıq prosesi ilə bağlı gündəmdə olan mühüm məsələlər müzakirə olunub.