Lerik Rayon İcra Hakimiyyəti başçısının səlahiyyətlərini icra edən Cəlil Baxşıyevin Molalan kənd inzibati ərazi dairəsi üzrə nümayəndəliyinə daxil olan Molalan və Sors  kəndlərinin sakinləri ilə  keçirdiyi  səyyar görüşü  böyük razılığa səbəb oldu. Bunun əsasında  da vətəndaşların öz dövlətinə olan inamı dururdu. İcra hakimiyyəti aparatının məsul əməkdaşların, rayonun hüquq-mühafizə orqanlarının, əlaqədar təşkilatların rəhbər işçilərin iştirak etdiyi bu görüşdə Cəlil Baxşıyev  sərbəst şəkildə durub danışan hər bir vətəndaşın rəy və təklifinə səmimi münasibət göstərdi.  Və kənd sakinlərinin narahatlığına səbəb olan sosial məsələlərin tez bir müddətdə  həllindən ötrü   müvafiq qurumlara tapşırıqlar verdi.

Sonra Cəlil Baxşıyevin vətəndaşlar qarşısında geniş çıxışı oldu. O, ölkə başçısının yürütdüyü uğurlu sosial-iqtisadi siyasəti nəticəsində durmadan vətəndaşların rifah halının yüksəldiyini  bildirdı, son illərdə dağlar diyarında, o cümlədən Molaln ərazisində aparılan tikinti-quruculuq və abadlıq işləri barədə geniş  şəkildə danışdı.

Axırda  kənd sakinləri ən əsası respublikada yaradılan əmin-amanlığa, rahat həyata görə Cəlil Baxşıyevdən  öz minnətdarlığını Prezident İlham Əliyevə və Birinci vitse-prezident Mehriban  xanım Əliyevaya çatdırmağı xahiş etdilər.

Zəfər Orucoğlu,

Azərbaycan Jurnalistlər  Birliyinin  üzvü