Məlum olduğu kimi, Azərbaycan Respublikası Prezidentinin 25 iyul 2022-ci il tarixli Sərəncamı ilə  Əkbər Bəxtiyar oğlu Abbasov Lerik Rayon İcra Hakimiyyəti başçısı təyin edilib. Artıq yeni başçı iş başındadır. O,     Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Ərazi-təşkilat məsələləri şöbəsinin müdiri Zeynal Nağdəliyev tərəfindən kollektivə təqdim olunub.

Təqdimatdan sonra rayon icra hakimiyyəti başçısı cənab Əkbər Abbasov müstəqil Azərbaycanın memarı, Ulu Öndər Heydər Əliyevin  şəhərin mərkəzi meydanda ucaldılmış abidəsini ziyarət edib, abidə önünə tər gül-çiçək dəstələri qoyubdur. Daha sonra ikinci Qarabağ  müharibəsində  Vətən uğrunda canından keçmiş  lerikli şəhidlərin əziz xatirəsinə ucaldılmış “Şəhidlər” abidə kompleksini və  qalib şəhid Amid Rəbbil oğlu Heydərovun büstünü ziyarət edib və  önünə  tər gül-çiçək dəstələri düzübdür.

Yeni icra başçının Vətən müharibəsi Qəhrəmanı  Amidin atası Rəbbil Heydərovla da görüşü səmimi keçib. O, şəhid atasının vəziyyəti ilə dərindən maraqlanıb, həmişə ona dəstək durmağı söyləyib.

 Zəfər  Əliyev,

 Azərbaycan  Jurnalistlər Birliyinin üzvü