Dağlar diyarı Lerikə yeni icra başçısı təyin olunmuş Əkbər Abbasovun rayonda ilk getdiyi kənd Kəlvəz oldu. O, burada Tərəvəzçilik Elmi Tədqiqat İnstitutunun İdarə Heyətinin sədri Elmar Allahverdiyevin iştirakı ilə fermerlərlə kartof toxumçuluğunun təşkili mövzusunda səyyar görüş keçirtdi. Görüşdə Əkbər Abbasov çıxış edərək son illərdə respublikamızın, eləcə də rayonunun sosial-iqtisadi inkişafı, əhalini narahat edən problemlərin həlli istiqamətində görülən tədbirlər,  vətəndaşların  sosial rifah halının yüksəlməsi  istiqamətində ölkə rəhbərliyi tərəfindən həyata keçirilən sosial layihələr barədə  ətraflı danışdı. Daha sonra görüşdə iştirak edən  kənd sakinlərini ayrı-ayrılıqda dinlədi və    onların qaldırdıqları problemlərin həll olunması üçün  müvafiq tapşırıqlarını verdi, onların icrasını nəzarətə götürdü.

Görüşdə iştirak edən Tərəvəzçilik Elmi Tədqiqat İnstitutunun  İdarə heyətinin sədri Elmar Allahverdiyevin  dağlar diyarında  yerli qədim kartof sortları əkini ilə məşğul olan kənd sakinləri arasında olan söhbəti  daha maraqlı alındı.  Sonra o,  bir-neçə fermerin  kartof sahəsində  müşahidə apardı, onlara bəzi   məsləhətlər verdi.  Həm də genefond üçün qədim yerli kartof sortundan  nümunələri götürüldü. Məqsəd  isə bu sortlar üzərində yenidən tədqiqatlar aparıb onların milli genefondunu qoruyub saxlamaqla, fermerlərə bu sortları yenidən təqdim etməkdir.

Zəfər Orucoğlu,

Azərbaycan Jurnalistlər Birliyinin üzvü